ekran платформа за слободоумни
Познатиот актер Џон Траволта на Инстаграм испратил емотивна објава на својот син Џет, кој ненадејно починал во 2009. година.
Џет беше најстарото дете на Траволта, кое го доби со неговата покојна сопруга Кели Престон, а вчера ќе го прославеше својот 30-ти роденден. Во таа прилика татко му не криел колку многу му недостига.
„Најдраг мој Џет, ми недостигаш повеќе отколку што можат да опишат зборовите. Мислам на тебе секој ден. Среќен роденден. Те сака тато”, напишал актерот со заедничката фотографија со својот син како тинејџер, а под сликата се појавиле голем број колеги и пријатели на актерот, а меѓу другите, и сестрата на Џет, Ела Траволта.
„Те сакаме многу“, додала Ела.
View this post on Instagram
Џет почина во јануари 2009. година за време на семеен одмор на Бахамите кога, откако претрпе напад, ја удрил главата од кадата. Неговиот роденден доаѓа нешто помалку од три месеци пред уште еден тежок датум за семејството Траволта, оној кога нивната сопруга и мајка Кели Престон ги остави на 57-годишна возраст. Актерката почина во 2020. година по тешка битка со ракот на дојката.
Таа и Траволта беа во брак речиси три децении, а заедно имаа три деца, Ела, Бенџамин и Џет, кој почина на 16-годишна возраст. По смртта на неговата сопруга Траволта, рече дека Кели храбро се борела со болеста со поддршка од многу луѓе.
„Моето семејство и јас засекогаш ќе им бидеме благодарни на лекарите и медицинските сестри во сите медицински центри кои и помогнаа, како и на нејзините многубројни пријатели кои беа со неа. Љубовта и животот на Кели засекогаш ќе останат запаметени”, изјавил тогаш актерот.
Фото: Принтскрин/Instagram
