ekran платформа за слободоумни
Мајкл Џексон починал од срцев удар во јуни 2009. година, а во телото му било пронајдено доволно колиќество од моќниот седатив пропофол за да убие носорог. Неговата поранешна сопруга Деби Роуз низ солзи зборувала за неговата зависност од лекови.
Во американскиот документарен филм „TMZ Investigates: Who Really Killed Michael Jackson“ таа низ солзи открила неколку детали за смртта на кралот на попот и дека требало да направи нешто кога видела дека пејачот е зависен од лекови против болки.
View this post on Instagram
„Требаше да направам нешто, но не направив“
Во еден исечок од документарецот, Деби рекла: „Делумно е моја вина. Требаше да направам нешто во врска со тоа, а не направив. Има многу луѓе кои умреле од зависност и јас бев дел од тоа на некој начин“.
Имено, Мајкл Џексон починал поради срцев удар во јуни 2009. година, а во телото имало „доста од моќниот седатив Пропофол за да убие носорог“, изјавил во документарецот поранешниот судски лекар, на ЛАПД, Ед Винтер.
„Многу ми е жал“
Роу се омажи за Џексон во 1996. година и била сурогат мајка на децата Принс и Парис. Таа беше асистент на врвниот дерматолог Арнолд Клајн, кој починал во 2015. година, и кој им давал јаки лекови против болки на Џексон и други познати личности.
Роу на ТВ Фокс признала: „Всушност бев лоша како Клајн и многу ми е жал што бев дел од тоа“.
Поранешната сопруга на пејачот одбила да зборува конкретно за Џексон во документарецот и решила да се фокусира на Клајн, кој е познат и како татко на ботоксот. Исто така, со децении, таа во медиумите зборувала дека му била медицинска сестра на Џексон и помошник на Клајн додека тој го лекувал музичарот.
За време на судењето за смртта на Џексон во 2013. година, таа го обвинила нејзиниот поранешен шеф за поттикнување на зависноста на Џексон. Клајн, кој исто така бил познат по тоа што лекувал други ѕвезди како Елизабет Тејлор, починал на 70-годишна возраст во Калифорнија во 2015. година.
View this post on Instagram
Брак со кралот на попот
Нејзината врска со Мајкл била обвиткана во тајност. Само неколку луѓе присуствуваа на нивната необична венчавка, која се одржала во хотелот „Шератон Парк“ на 13. ноември 1996. година, додека Џексон бил на неговата турнеја со албумот HIStory.
Впечатливо е и тоа што Роу носела нетрадиционална црна венчаница. Тајноста околу венчавката била толку силна што никој не ја потврдил ниту негирал откако се случила. Персоналот во Шератон се заколнал дека Џексон никогаш не напуштил својата соба.
„Не им ги менував пелените на децата, Мајкл сето тоа го правеше сам“
Имено, поранешната двојка наводно првпат се запознала 15. години пред свадбата кога Мајкл се лекувал од кожна болест. Се шпекулираше дека Роу всушност го тешела Џексон по раскинувањето со ќерката на Елвис Присли, Лиза Мари, а Роу и Џексон од тогаш станале големи пријатели.
Во минатото, таа била искрена за тоа дека Мајкл сакал да стане родител, но таа не сакала. Говорејќи во ТВ специјал од 2003 година наречен „Michael Jackson: The Footage You Were Never Meant To See“, Роу рекла: „Го направив тоа за тој да стане татко, а не јас да станам мајка. Ти ја заслужуваш титулата родител. Јас не направив апсолутно ништо за да ја заслужам таа титула. Тоа е затоа што Мајкл се грижеше за децата. Не менував пелени. Не станував среде ноќ, дури и кога бев таму, Мајкл правеше се”.
