Познатиот супермодел од 90-тите блеска на улиците на Санта Моника во својот кежуал стил
Таа има 56. години, а има кариера на која можат да и позавидат многу нејзини помлади колешки во светот на модата и филмот. Синди Крафорд е име кое е синоним за безвременска убавина.
Таа неодамна била фотографирана на улиците на Санта Моника, облечена во фармерки со широки ногавици, маица на која пишува „Љубов“, црни сандали, кожна чанта и бомбер јакна. Изгледот го комплетирала со очила за сонце и препознатлива разбушавена фризура.
Оваа убавица порано беше незаменлив дел од сите ревии и кампањи на големите модни брендови, а сега по тој пат тргна и нејзината ќерка Каја Гербер (21), која стана заштитно лице на многу брендови.
Изгледа дека фармерките на сликата можеле да бидат позајмени од Каја, бидејќи високиот струк кој ги истакнува нејзините долги нозе изгледа многу младешки.
Синди е во брак со Ренди Гербер од 1998. година, со кого покрај ќерката го има и синот Пресли Вокер Гербер (23).
Сè уште се паметат нејзините видеа со вежби за обликување на телото, кои беа едни од најпопуларните во тоа време.
Инаку, пред бракот со Ренди, позната е и нејзината врска со актерот Ричард Гир, а во тоа време важеа за еден од најубавите парови во Холивуд.