ekran платформа за слободоумни
Американскиот рапер Дрејкео Ралер (28) починал како последица на раните кои ги добил кога бил избоден со нож на музичкиот фестивал во Лос Анџелес.
Раперот, чие вистинско име е Дарел Колдвел, требало да настапи во саботата навечер на музичкиот фестивал „Once Upon a Time во Лос Анџелес“. Тој наводно бил избоден со нож при расправија зад бината, која се случила во моментот кога требало да настапи, јавува Би-Би-Си.
Exclusive : I’m at the #OnceUponATimeInLA festival and I’m hearing that an artist was sent to the hospital and @SnoopDogg& @50cent will not be performing.
Backstage exits are closed & I was told by security it was now a crime scene. Photos from the helicopters through the fence. pic.twitter.com/Wn7cBlvlt1
— Amanda Fitzpatrick (@WatchAmandaTV) December 19, 2021
Тој бил префрлен во локалната болница во критична состојба. Организаторите го откажале фестивалот на кој требаше да учествуваат Снуп Дог, Фифти Сент и Ајс Кјуб.
Полицијата во Лос Анџелес не го идентификувала напаѓачот, но „ЛА Тајмс“ наведува дека Дарел бил нападнат од група луѓе и дека е тешко повреден. Снуп Дог на социјалните мрежи изрази сочувство до семејството на Колдвел, велејќи дека тој бил во соблекувалната кога слушнал за инцидентот и веднаш го напуштил фестивалот.
„Ве молам внимавајте, сакајте се и останете безбедни. СЕ МОЛИМ ЗА МИР ВО СВЕТОТ НА ХИП ХОПОТ“, им рекол тој на своите придружници.
Дрејкео Ралер првпат ги издал „Mixtapes“ во 2015. година, а неговиот деби албум „The Truth Hurts“ бил објавен во февруари.
🙏🏾🙏🏾🙏🏾🙏🏾 pic.twitter.com/m8n6Bq2KJC
— Snoop Dogg (@SnoopDogg) December 19, 2021
Фото: Принтскрин/Instagram
