ekran платформа за слободоумни
Меган Маркл ќе мора да се откаже од барањето британско државјанство бидејќи не може да се обврзе на тоа дека вон земјата ќе мине само 90. дена.
Според британските медиуми, војвотката од Сасекс го започнала својот петгодишен процес на стекнување државјанство, по нејзината венчавка во мај 2018. година. Извор од британската влада тврди дека потегот на нејзина и на Хари преселба во Канада ќе го запре процесот бидејќи не може да докаже „силна посветеност на Велика Британија и намера тоа да е местото каде живее“.
Меган и Хари најавиле дека своето време ќе го делат помеѓу Велика Британија и Северна Америка, но не откриваат до кој степен. Секое отсуство од Велика Британија ќе биде забележано. После пет години, на Меган би и било дозволено да остане на неодредено време во Велика Британија и со тоа да влезе во последната фаза на стекнување на државјанство. Во првите три години од апликацијата, ќе треба да помине 270 дена годишно во Велика Британија. Меѓутоа, во некои случаи, надлежните служби може да покажат разбирање за отсуството, но треба да бидат дадени доволно причини да го сторат тоа.
„Американски државјанин мора да живее во Велика Британија со британски партнер кога се поднесува барањето. Тие мораат да имаат намера трајно да живеат заедно во Велика Британија. Доколку во кој било период во првите две и пол години не живеат во Велика Британија, мораат да имаат добра причина за тоа. Оваа причина мора да биде во согласност со нивната намера трајно да живеат во Британија“, рекол адвокатот Мајкл Марциано.
Хари ја напуштил Велика Британија во понеделникот за повторно да се сретне со Меган и синот Арчи во Ванкувер. Нивниот нов живот надвор од кралското семејство официјално започнува напролет.
