Актерката Мила Јововиќ е родена во Киев и е уште една во низата познати личности кои продолжуваат да му даваат поддршка и солидарност на украинскиот народ.
Актерката Мила Јововиќ на социјалните мрежи сподели дека и е скршено срцето и дека е запрепастена во обидот да ја процесуира моменталната ситуација во Украина.
Таа рекла дека е длабоко трогната од уништувањето и раселувањето на семејствата додека руските сили се приближувале до Киев, градот во кој е родена.
„Моето срце е скршено и вчудоневидено. Се обидувам да ги обработам настаните, оваа недела, во мојот роден град во Украина. Мојата земја и народ се нападнати. Семејството и пријателите се кријат. Мојата крв и корени потекнуваат и од Русија и од Украина. Растргната сум на два дела додека гледам како се одвива ужасот, земјата се уништува, семејствата се раселени, целиот живот им лежи во јагленосаните делови околу нив. Се сеќавам на војната во татковината на татко ми, поранешна Југославија и приказната на моето семејство за траумата и теророт кој го доживеале. Војна. Секогаш војна. Лидери кои не можат да донесат мир. И секогаш народот плаќа со крвопролевање и солзи“, напишала познатата глумица на својот профил на Инстаграм.
View this post on Instagram
Фото: Принтскрин/Instagram