Многумина биле воодушевени од ова откритие, но се согласиле дека од фотографијата тешко се распознава дали банкнотата била проголтана од рибата или човекот ја ставил таму…
Еден рибар премногу се изненадил кога во желудникот на рибата која ја уловил нашол скриена банкнота од 20 долари.Фотографијата е објавена на Фејсбук страницата „Sharkmen Fishing Charters Melbourne“ и веднаш станала вирална.
„Најдобро – ловиш вечера и потоа имаш пари и за пиво“, се пошегувало друштвото на Фејсбук, иако имало и такви кои не верувале дека фотографијата е реална.Ветеринарот Ричмонд Лох, кој стои позади популарниот Јутјуб канал „The Fish Doctor“, за „Yahoo News Australia“ рекол дека банкнотата била таму каде што се очекува да биде кога ќе ја проголта риба .
Но додал дека овој вид на риба ретко излегува на површината на водата, но и дека банкнотата од 20 долари не е мал предмет кој туку така случајно може да се проголта.
Д-р Мет Ландос кој го води „Future Fisheries Veterinary Service“ се согласил дека од фотографијата тешко се распознава дали банкнотата била проголтана од рибата или човекот ја ставил таму.