ДОКТОР Том Лотон од Велика Британија решил да провери дали носењето маска може да влијае на нивото на кислород, па носејќи ја истрчал 35 километри.
Тој, додека трчал, со оксиметар го набудувал нивото на кислород.
„Нивото на кислород беше 98. проценти секој пат кога проверував“, напишал тој на Твитер.
Во интервју за Си-Ен-Ен, тој рекол дека сака да покаже дека маските се безбедни за носење и неопходни за борба против ширењето на коронавирусот.
Бројни здравствени работници ги повикуваат луѓето да носат маски за да се заштитат себе си и другите. Но, стана контроверзна тема затоа што некои луѓе одбиваат да носат маски.
„Бев фрустриран кога видов дека некои седат без маска и тврдат дека носењето им го намалува нивото на кислород“, додаде Лотон.
The mask didn't come off at all (no food or drink) – and oxygen levels were stubbornly 98% every time I checked.
Please feel free to cite this when anyone suggests they're bad for you, and stay safe – and COVID-free.
Thanks! https://t.co/ApgpoOTZCz (n/n)
— Tom Lawton (@LawtonTri) July 20, 2020
Иако признава дека носењето маска не е пријатно, нивото на кислород никогаш не паднало.
„Трчав до и од работа. Треба да држиме дистанца, да се придржуваме до правилата за изолација, да ги миеме рацете и да носиме маска“, заклучил тој.