Откако со неговата сопруга Меган Маркл и синот Арчи се пресели од Велика Британија најпрво во Канада, а потоа во Лос Ангелес, каде го купија својот нов дом, се чини дека принцот Хари повторно се враќа во дворецот.
Според Us Weekly, се’ поизвесно е дека принцот Хари се подготвува да замине дома за да го помине Божиќ со кралицата Елизабета Втора и другите членови на кралското семејство.
„ Frogmore Cottage е подготвена за враќањето на принцот Хари во декември“, изјавил извор близок до принцот Хари, додавајќи: „Засега Меган се уште не одлучила дали ќе патува со Хари“.
Врската помеѓу кралското семејство и Хари и Меган е на разнишана земја откако во јануари објавија дека ги напуштаат сите кралски должности и го започнуваат животот од другата страна на океанот, далеку од нив. Тие ги завршија обврските во март, по што го започнаа својот нов живот со нивниот 17-месечен син Арчи во куќа во Монтесито, која ја купија за 14,65 милиони долари.
„Традицијата поврзана со празниците и семејството е нешто многу важно за него. Иако сè е неизвесно поради КОВИД, тој се надева дека Божиќ ќе го поминат заедно како семејство. Хари е многу близок со неговата баба и се надева дека ќе може да го одведе Арчи во Лондон за да поминат некое време заедно“, изјавил неименуван извор.