ekran платформа за слободоумни
Во обид да ја оживее култната традиција и да го поттикне туризмот, јапонскиот град со термалните извори Геро во префектурата Гифу, ја продолжува програмата за вработување на жени во градската администрација, кои се обучуваат како „маико“ (чирак гејша), објави денеска јапонската агенција Кјодо.
View this post on Instagram
Вработените во уникатниот проект на локалната самоуправа, кој е втор од ваков вид во Јапонија, се очекува да работат како државни службеници, а истовремено да учат да танцуваат, пеат и свират на музички инструменти.
Предвидено е обуката да трае три години, а нови вработувања во рамките на оваа програма ќе започнат во февруари.
Од градската управа велат дека во последните години има се помалку групни посети на местото, па гејшите имаат се помалку можности да ја покажат својата уметност.
Тецуја Томинага, програмски менаџер во одделот за туризам на Гера, истакнува дека историјата и културата на гејшите се важни и треба да се пренесат.
View this post on Instagram
Во 1970-тите, градот во централната префектура Гифу имал повеќе од 200 гејши и нивни чираци. Но, тој број се намалил, а моментално има само три, вклучувајќи ја и Марика Такемото (23), првата што е регрутирана во програмата.
Такемото, родена во Токио, е вработена во 2021 година во одделот за туризам на градската управа на Гера.
Таа вели дека е заинтересирана за ревитализација на руралните средини, а преку социјалните мрежи се обидува да привлече туристи во одморалиштето со термални извори, во кое се уште се задржани остатоците од античката историја.
View this post on Instagram
Како маико (чирак гејша), таа учи бонтон, танц и народни песни. Бидејќи е државен службеник, не смее да забавува приватни групи, но може да настапува јавно.
Со искуството стекнато за време на обуката, таа може да избере да продолжи да работи како гејша по завршувањето на програмата за обука.
Фото: Принтскрин/Instagram
