ekran платформа за слободоумни
Американската актерка и ѕвезда на серијата „Gossip Girl“, Блејк Лајвли моментално е бремена со четвртото дете од бракот со нејзиниот сопруг Рајан Рејнолдс.
Актерскиот пар последен пат се испроба во оваа улога на крајот на 2019. година, а заедно веќе имаат три ќерки: Џејмс, Инез, Бети.
Меѓутоа, Лајвли сега откри дел од притисокот со кој се соочува како славна личност за време на нејзината бременост. Таа на својот Инстаграм сподели серија од труднички фотографии со надеж дека ќе ги „избрка“ новинарите кои, како што вели, ја чекаат пред куќата.
View this post on Instagram
„Еве фотографии од моето секојдневие на кое сум бремена, за да ме остават на мира 11-те момци кои чекаат пред мојата куќа. Ме плашите мене и моите деца”, рекла актерката.
Блејк позирала во слатки и опуштени изданија, кои таа и нејзиниот сопруг често ги споделуваат со своите фанови и им се заблагодари на оние кои ја изразуваат својата поддршка со тоа што не ги следат публикациите кои споделуваат фотографии од деца.
„Целата моќ е во ваши раце. Им благодариме на медиумите кои имаат ‘политика без деца’. Сите вие правите разлика“, рекла Лајвли.
Инаку, се’ повеќе познати личности одлучуваат да ги кријат своите деца колку што можат од очите на јавноста, заштитувајќи ја нивната приватност и правото на избор дали ќе станат или не јавни личности. Сепак, упорните папараци често не ги почитуваат нивните желби.
Блејк и Рајан, кои се во среќен брак од 2012. година, јасно ставија до знаење дека приватноста на нивните девојчиња е нивниот главен приоритет, а актерката претходно интервенираше на одредени таблоиди и профили на социјалните мрежи да ги отстранат фотографиите од нејзините ќерки, кои се објавени без родителска согласност.
Двојката се запозна во 2010. година на снимањето на Green Lantern, а Рајан неодамна откри дека решил да се одмори од актерството за да помине повеќе време со семејството.
Фото: Принтскрин/Instagram
