Лејди Гага и Бредли Купер веќе со месеци се една од главните теми на светските медиуми. После гласините за нивната врска на насловницата на таблоидот „In Touch” се појавила фотографија која ги покренала гласините дека Гага е бремена од Бредли.
На оваа фотографија Гага и Бредли позираат прегрнати, а вниманието го привлекла положбата на нивните раце. Бредли ја држи раката на нејзиниот стомак а таа ја ставила нејзината над неговата. Таблоидот објавил наслов дека очекуваат бебе како и изјава дека не планираат брак.
Гага и Бредли не ги коментирале гласините за бременоста. Уредниците на магазинот отишле и чекор подалеку и со текстот приложиле фотографија на која јасно се гледа трудничкото стомаче на Гага.
Многумина тврдат дека бременоста на Гага е причина што глумецот неодамна ја завршил врската со руската манекенка Ирина Шајк.