Актерот Џереми Ренер им се заблагодари на сите за нивните „љубезни зборови“ во својата прва објава на социјалните мрежи по неговата новогодишна несреќа со возило за чистење снег.
Ренер на својот Инстаграм објави селфи на кое јасно се гледаат модринки на неговото лице.
„Ви благодарам на сите за убавите зборови. Презафатен сум за да пишувам во моментов. Но на сите ви испраќам љубов”, напишал тој.
Актерот, кој беше во критична состојба по несреќата, сега бил подложен на две операции во кои хирурзите му ставија метални игли околу ногата. Сега е буден и зборува, изјавил извор за DailyMail.
View this post on Instagram
Ренер му помагал на член на семејството со лично возило кое било заглавено во снегот во неделата, објасни шерифот на округот Васо, Дарин Балам на прес-конференција во вторникот попладне.
Тој користел плуг за снег за успешно да му помогне на член на семејството пред да излезе надвор да разговара со нив.
Во текот на разговорот „забележано е дека маѓината почнала да се тркала“, рекол Балам.
Во тој момент, Ренер се обидел да се врати во машината и во тој момент бил прегазен.
Двократниот номиниран за Оскар „претрпел тапа траума во градниот кош и ортопедски повреди“.
Фото: Принтскрин/Instagram