„Барам промена на правилото“ за „Мис на светот“, објавила Вероника Дидушенко (24), откако започнала кампања на страницата за социјално вмрежување #righttobeamother („право на мајчинство“)“.
„Причината поради која не ми беше дозволено да се кандидирам за Мис на светот по освојувањето на Мис Украина во 2018 година беше затоа што бев во брак и имав дете“, изјавила Дидушенко, мајка на петгодишно момче.
Таа вели дека според британскиот закон, „политиката заучество“ на „Мис на светот“ е дискриминаторска по повеќе основи, вклучително и брачен статус, бременост и мајчинство“.
Според правилата на натпреварот за „Мис на Светот“, учесниците не смеат да бидат во брак и не смеат да имаат деца. Вероника Дидушенко поради истите причини веќе била дисквалификувана од натпреварот „Мис Украина“.
„Не сакам да ми ја дадат круната на победникот“, рекла таа. „Би сакала да ги видам Мис Светот и други меѓународни натпревари за убавина, кои се чини дека се заглавени во средниот век, да ги укинат сите ограничувања за да станат вистински претставници на сите жени“, вели таа на Инстаграм.
Организаторите на натпреварот „Мис на светот“ сè уште не одговориле на нејзините критики. Финалето на натпреварот „Мис на Светот“ во Лондон е на 14. декември.