Се разбира, како што пораснав и се едуцирав, така и моето мислење се промени. Денес, не ја гледам дислексијата како главен животен проблем. Само е отежнувачка околност да се справиме со нештата, а вистинските проблеми се болест, сиромаштија или губење на некој близок…
Актерката која ја глуми Суреја од Истанбулската невеста страда од дислексија, но и покрај сите предизвици таа не се предава.
Асли Енвер е една од омилените актерки во Турција, а нејзиниот лик на Суреја во серијата „Истанбулска невеста“ е една од нејзините најголеми улоги во кариерата. Таа има 35. години и веќе е меѓу најпопуларните турски актерки на сите времиња.
Родена е во Лондон каде живеела се додека не наполнила дванаесет години, па потоа се преселила во Турција.
За популарната актерка искачувањето на престолот не било лесно, бидејќи актерката се бори со дислексија, па и треба малку подолго за да го научи секој текст. Но, таа научила како да се справува со предизвиците! Нејзината мајка и помогнала во сè.
„Мајка ми ме праша дали сакам да се занимавам со уметност. Избрав глума. Тоа не ми изгледаше така лошо. Таа ме испрати на курс. Значи, да, мајка ми ми помогна“, рекла актерката во една прилика.