Борат, измислен лик и неконвенционален истражувачки новинар од Казахстан, се приклучи на Твитер пред објавувањето на неговиот втор филм подоцна оваа година.
Продолжението на Борат, насловено како „Borat: Gift of Pornographic Monkey to Vice Premiere Mikhael Pence to Make Benefit Recently Diminished Nation of Kazakhstan” (Борат: Подарок од порнографски мајмун на вицепремиерот Мајкл Пенс за да има корист од неодамна ослабената нација на Казахстан), треба да биде достапно кон крајот на октомври, иако е најавено дека ќе биде прикажан на ден пред претседателските избори во САД.
Како дел од промоцијата на филмот, Саша Барон Коен направи профили за Борат на Твитер, но и на ТикТок, каде се пошегува дека е првиот Казахстанец на таа социјална мрежа. Во серијата твитови што започна да ги објавува во петокот, Борат на потсмев го пофали претседателот Доналд Трамп и, меѓу другото, напиша дека Трамп е посилен од 200.000 Американци кои веќе починале од коронавирус, но исто така шпекулираше што прави американскиот претседател со своите телесни секрети.
Premiere Trump Thank you for giving me fantastic head for the last four years. pic.twitter.com/rsQh6pluFM
— Borat (@BoratSagdiyev) October 9, 2020
Борат е креација на британскиот комичар и актер Саша Барон Коен, кој е познат по своите критики кон Трамп, крајната десница, но и Марк Цукенберг.
Trump would have leave hospital sooner, but he nice and did not want to hurt covid’s feelings
— Borat (@BoratSagdiyev) October 10, 2020