ekran платформа за слободоумни
АНГЕЛИНА Џоли ја продава единствената слика насликана од британскиот воен премиер Винстон Черчил за време на Втората светска војна и делото на аукција се очекува да достигне цена од 3,4 милиони долари, објави Си-Ен-Ен.
Черчил ја наслика „Кулата на џамијата Кутубија“ во Маракеш, Мароко откако присуствувал на конференција во Казабланка во јануари 1943. година и му ја подарил на американскиот претседател Френклин Д. Рузвелт.
Актерот Бред Пит ја купил во 2011. година од трговец со уметнички дела за Џоли. Двојката се раздели во 2016. година по две години брак но нивниот развод сè уште не е завршен.
Черчил го насликал делото веднаш по воениот самит на кој се договорил со Рузвелт за следните фази на заедничката стратегија против нацистичка Германија.
Проценетата вредност на сликата се движи од два до 3,4 милиони американски долари.
„Тоа е единственото дело што го насликал Черчил за време на војната, можеби охрабрен од напредокот на сојузниците, во земја што ја сметаше за една од најубавите што ја видел“, рекол Ник Орчард, шеф на модерната британска уметност во аукциската куќа „Кристи“
Сликата настаналаоткако двајцата лидери се согласиле дека ќе прифатат само безусловна капитулација на силите на Оската, што беше стратешки значајна порака за намерите од двете водечки воени фигури.
„Кристи“ објави дека платното е ставено на продажба од Jolie Family Collection.
Дилерот на уметнини Бил Рау, од кого Пит ја купил сликата, изјавил дека таа е донирана на синот на претседателот Рузвелт, кој ја продал во 1960. година.
Сликата завршила во Њу Орлеанс, каде што таа беше во семејна куќа повеќе од 50. години, а кога ќерката на нејзиното семејство ја наследила, ја продала.
Черчил насликал неколку марокански мотиви пред војната.
Фото: Архива/moroccoworldnews
