ekran платформа за слободоумни
Врховниот суд на Канада одлучил дека општините мора да го отстранат снегот и дека не се имуни на тужбите што произлегуваат од непочитување на таа обврска.
Одлуката е резултат на случајот инициран од жена која ја повредила ногата додека минувала преку снежна рампа во Нелсон, Британска Колумбија, во 2015. година. Тарин Џој Марчи го тужела градот за милион долари и нејзината тужба сега повторно ќе се најде на суд.
Одлуката на Врховниот суд се очекува да предизвика лавина судски процеси поради лизгање и паѓање на снег низ државата.
Канада троши стотици милиони долари за расчистување на снегот, а случајот на Марси предизвикал голем интерес во јавноста.
Марчи се обидела да го тужи градот Нелсон затоа што ја повредила ногата прескокнувајќи куп снег за да стигне до пешачката патека. Градот расчистил неколку паркинг места, но чистачите натрупале снег покрај рабникот и не го расчистиле пешачкиот премин.
Првиот судија што го слушнал нејзиниот случај и рекол дека таа е виновна и дека го знае ризикот да прескокне еден куп снег. Друг суд пресуди дека градот ја исполнил својата должност и го отстранил снегот и дека е имун на тужби.
Тогаш Врховниот суд пресудил дека тоа е преширока дефиниција и дека отстранувањето на снегот е прашање на политика на секоја општина, но дека градот не може да процени каде ќе го отстрани снегот, а каде не.
„Со расчистување на паркинг местата на улицата Бејкер, Градот ја повика јавноста да ги користи за пристап до фирмите лоцирани на улицата“, се вели во пресудата. „Тужителот се обиде да го стори токму тоа, кога падна од купот снег што го направи Градот при неговото отстранување“.
