ekran платформа за слободоумни
Денес од 22:00 часот, по перформансот на Јасна Жмак „This is my truth, tell me yours“ на Академска сцена на ФДУ, одиме на журка со DJ сет на Виолета Качакова.
Водена од животната опсесија со музика, добриот вкус и декада и половина посветена работа како музички селектор и водител во култното македонско радио Канал 103, Виолета ја започнува својата клупска приказна во 2012 година. Својата дотогашна забележителна активност во ПМГ Рекордингс ја проширува со диџеј настапи низ скопските клубови. Нејзината 6 годишна резиденција „Чиста шминка манфесто“ (заедно со Мирко Попов) беше една од најдолгите и најинтересните во градот, за подоцна да се развие во концептуалната музичка вечер #поранобешебоље.
Освен на ПМГ настаните, може да ја сретнете низ скопските клубови и локали, каде што ја одржува публиката заинтересирана со извонредниот избор на техно, хаус и електро, како и со убедливата појава и микс. Се има претставено на фестивалите Desonanz, Skopje Pride Weekend, ПМГ Рекордингс Фестивал, Д-Фестивал, Прво па женско, CineDays, Скопје Креатива, Antistatic (Софија), АКТО (Битола)… а ја делела сцената со музички имиња како Planingtorock, Miss Kittin, Wranger, Kanton6, PMG Kolektiv.
