Во Паркот Македонија, пред Домот на Културата „Билјана Беличанец“ во скопската населба Кисела вода, од денес па до 10 септември ќе се одржи второто издание на фестивалот на Инклузија.
Во четири дена посетителите ќе можат да присуствуваат на голем број работилници, изложби, проекција на филмови, магионичарско шоу, инклузивна театарска претстава, како и музички концерти.
Настанот е во организација на Здружението за едукативни и хуманитарни активности Визија Плус од Скопје, во соработка со Здружението за активно вклучување и соодветен третман на лицата со попреченост – Икуалити, а под покровителство на Општина Кисела Вода.
Подолу можете да ја погледнете целокупната програма на фестивалот и саатниците за секој настан.