„АрцелорМиттал“:Обука за безбедност и здравје при работа

На 24.04.2018 година во просториите на АрцелорМиттал Скопје се одржа обука чија цел беше пренесување на знаења и вештини односно размена на добра пракса наменета за околу 40 присутни – професионалци од областа на БЗР, претставници на вработени како и други заинтересирани страни кои се активни во полето на безбедноста и здравјето при работа.

Предавач на обуката беше Валерија Миланова, стручно лице за здравје и безбедност во АрцелорМиттал Скопје, која им ги презентираше на присутните компаниските процеси и стандарди за безбедност како што се процедурите за изолација и заклучување, работа на висина и слично.
Обраќање имаше и директорката на Технолаб Магдалена Трајковска, како и генералниот директор на АрцелорМиттал Скопје – Волфганг Марингер.
Обуката беше организирана од Технолаб – овластена компанија за вршење обуки за здравје и безбедност, во соработка со АМ Скопје.