Вечерва во 21:00 часот, во Јавна Соба премиерно ќе се одигра претставата “Ајде да имаме секс” работена според текст на Валентин Красногоров.
Приказната следи неколку ликови кои се изгубени во своите илузии за животот и низ сексот пробуваат повторно да се пронајдат себеси. Улогите ги толкуваат Никола Кузелов, Ангела Димитрова, Нела Павловска, Виктор Велевски, а позајмениот глас на ликот на сестрата е на Тања Кочовска.
Претставата е финансирана од Министерство за култура и истата е наменета за гледачи над 16 години. Капацитетот на публика е ограничен на 60 гледачи и премиерата е целосно распродадена. Билети за следната изведба која е закажана за 14.05 во 21:00 часот може да се набават на веб сајтот ДРУГА СТРАНА.
.