Денес се сеќаваме на нашиот истакнат композитор и диригент Драган Ѓаконовски-Шпато, кој почина на денешен ден во 1987 година

Драган Ѓаконовски-Шпато е роден во Скопје на 11 март 1931 година. Тој е истакнат македонски композитор, диригент и музички аранжер. Важи за зачетник на македонската забавна музика. Како автор на бројни забавни мелодии, на аранжмани за забавна музика и џез, почнувајќи од првите повоени години. Бројни генерации се сеќаваат на неговите популарни композиции, како и на првата македонска џез-композиција насловена „Тема I“, што ја создал во 1947 година. Тој бил извонредно надарен музички инструменталист кој формирал повеќе оркестри и групи.

Драган Ѓаконовски-Шпато бил оженет со џез-пејачката Марија Ѓаконовска. Нивниот син Мартин Ѓаконовски е џез-басист во Германија. Татко му, Васил Ѓаконовски, како и постариот брат, Хари, исто така, биле музичари.

Во чест на Драган Ѓаконовски, една песна на македонскиот композитор Александар Џамбазов е насловена „Балада за Шпато“

Починал во Скопје на 3 јануари 1987 година.