Плажата Катедрала го должи своето име на карпите високи 30 метри, кои со децении немилосрдно ги удираа брановите и ветерот…
Плажата Playa de las catedrales (плажата на катедралата), позната и како Las aguas santas (Плажата на светата вода), е спектакуларно место на кое вреди да поминете време доколку се најдете во Галиција во северна Шпанија.
Оваа природна убавина ќе ја најдете недалеку од градот Рибадео, кој исто така е одлична станица за истражување на прекрасните паркови, улици и локалната гастрономија.
Плажата Катедрала своето име го должи на карпите високи 30 метри кои со векови безмилосно ги удираа брановите и ветерот. Ако сакате да ја посетите и да шетате меѓу камените сводови, тоа можете да го правите само при мала плима, два пати на ден, а ако пристигнете при плима, нема да можете да го доживеете во целосна големина.
Бидејќи бројот на посетители е ограничен, пристапот до плажата во текот на летото е возможен само со претходна резервација. Се разбира, подобро е да се истражува плажата во оф-сезона, во сончеви денови, кога има помалку луѓе.
Се препорачува да се дојде на плажата два часа пред и до два часа по плимата. Во Рибадео можете да најдете организирани туристички тури, а ако сакате долги прошетки – можете сами да пешачите (во овој случај задолжително проверете го распоредот на плимата).
Фото: Принтскрин/YouTube