Стејси Овен (29) уживала на својата свадба, кога во секунда се преплашила.
Една жена во венчаница упаднала во салата во селскиот хотел каде се одвивала прославата, извикувајќи: „Запрете ја свадбата, требаше јас да сум на тоа место“. Видеото прикажува како со букетот го удира младоженецот по главата, додека новопечената двојка се обидувалада танцува.
Стејси прво помислила дека е „поранешна девојка“ на нејзиниот сопруг, но станувало збор за комичароката Џануари Рис, ангажирана од нејзината кума Џеки Левис. По првичниот шок, сите паѓале од смеење, особено невестата, чија боја брзо се вратила на лицето.
„Пет месеци ја подготвував таа шега. Стејси очекуваше изненадување, а јас сакав да направам нешто глупаво“, рекла палавата кума, додавајќи дека сите се исплашиле кога комичарката упаднала во салата затоа што мислеле дека тоа е навистина поранешна девојка на зетот.
„Мојот партнер во почетокот беше преплашен. Го танцувавме нашиот прв танц, а светлата беа затемни и не и го видовме лицето. Мислев дека е една од поранешните девојки на Кери. Потоа се запалија светлата и го видов нејзиното лице, веднаш ја препознав“,рекла Стејси на крај.