ekran платформа за слободоумни
Во организација на Првиот извиднички одред-Скопје, во периодот од 17-21 јануари 2024 година традиционално ќе се спроведе зимски камп за извидници. Оваа зима се оди во планинарски дом „Смрека“ на Попова Шапка. Пет дена нашите извидници ќе имаат можност да уживаат во многу зимски активности, предизвици, игри и полагања вештини.
Планинарски дом „Смрека“ е сместен во Скијачкиот центар на Попова Шапка на 1800 м.н.в. во централниот дел на најголемиот планински масив во Македонија, Шар Планина. До него се стигнува преку добар 20-км асфалтен пат од градот Тетово. Со домот управува планинарското друштво „Трансверзалец“ од Скопје. Креветите се распоредени во 15 соби од кои 6 се четворо-креветни со купатилa, а останатите соби имаат заеднички бањи (една бања на секои три соби). Домот се затоплува со централно греење на дрва и располага со голема трпезарија – простор кој го користиме покрај јадење и за активности и кујна во која извидниците волонтери сами ја подготвуваат храната.
