Во организација на „Прилеп Култура“ од 22.06 до 24.08.2023 година во Прилеп се одржува манифестацијата „Од 0 до Култура“. Настанот се одржува на камената бина пред споменикот на Александар Македонски.
Станува збор за мошне интересен проект, за како што вели организаторот музичко и културно описменување на граѓаните на Општина Прилеп, како и презентација на млади музичари од општината и Р. Македонија и нивна промоција.
Проектот е осмислен на локални млади музичари или пак локални веќе етаблирани бендови да им даде за задача да направат програма во времетрање од 90 – 120 минути со песни од светската популарната поп и рок култура. Реализатор на проектот е Општина Прилеп.
Во рамките на манифестацијата досега свој настап имаа Crossroad, No Cigarettes, The Four, Rock Blues Band, The Schmucks, The Hounds и Алекса Петрески & band.
Утревечер на 10 август со почеток во 21.00 часот свој настап ќе имаат The Doctors, а следните два четвртока се резервирани за Lock Down (17 август) и The Dreamers (24 август).
Одличен настан кој се надеваме ќе биде традиционален и кој задолжително треба да се посети.