ekran платформа за слободоумни
Актерот Ричард Бартон водел живописен и турбулентен живот. Зад себе остави голем број анегдоти, од кои една е поврзана со Југославија и времето кога овде ја снимаше „Сутјеска“ и го глумеше Јосип Броз Тито.
Познатиот актер седум пати беше номиниран за награда од Американската филмска академија за глума, но никогаш не ја освои и покрај тоа што одигра голем број, денес култни, улоги.
Една од нив, значајна за луѓето од овие простори, секако е онаа на Јосип Броз Тито во филмот „Сутјеска“, чиј режисер беше Стипе Делиќ.
Во текот на целото снимање на култниот филм, актерот и неговата сопруга, актерката Елизабет Тејлор, биле личен гостин на човекот што тој го глумеше – Маршал Тито. Но, покрај тоа што уживаше во сите погодности на ВИП статусот во Југославија, Бартон сакал и да оди меѓу народот, да се дружи и да се забавува со „обичните“ луѓе.
„Сутјеска“ е снимена во 1973 година, по повод триесетгодишнината од истоимената битка, во Националниот парк Сутјеска. Резервистите на тогашната ЈНА на снимањето биле статисти и имале можност лично да се запознаат со холивудската ѕвезда и да се дружат со неа.
Некои од нив подоцна рекле дека никогаш порано не виделе човек кој може да испие толку многу. Бартон, откако го завршил работниот ден на сетот, на некои им понудил облози – во испивање жестоки пијалоци.
Оние кои прифатиле двојно зажалиле. Прво, немале шанси да победат бидејќи Бартон бил „како сунѓер“. Второ, доколку командантот ги фатил пијани, им се заканувале со воен суд, пишува Historical Entertainer.
Проблеми имало и со Бартон. Бата Живојиновиќ подоцна изјавил дека актерот на сетот доаѓал подготвен, но дека до пладне ќе бил толку пијан што не можел да стои.
„Снимавме многу сцени така што кадарот беше до половината, а потоа некој ќе го држеше за нозе за да не падне. Во една сцена тој се ниша толку многу што дури и јас го држев околу половината“, рекол легендарниот актер.
Фото: Принтскрин/YouTube
