ekran платформа за слободоумни
Вирџил Абло, кој влезе во историјата како првиот афроамерикански креативен директор на познатата француска модна куќа „Луј Витон“, починал на 42-годишна возраст по долга и храбра битка со ретка форма на рак.
Големата надеж на модната индустрија водеше борба против агресивната форма на рак, срцевиот ангиосарком, далеку од очите на јавноста, а болеста била дијагностицирана во 2019 година.
– Сите сме во шок, Вирџил не беше само наш генијален дизајнер, визионер, туку беше и убава душа и мудар човек – се вели во соопштението на извршниот директор на „Луј Витон“, Бернард Арно.
Веста за неговата смрт предизвика шок и неверување на социјалните мрежи. Многу обожаватели се збогуваат со него, нарекувајќи го моден и културен трендсетер. Од талентираниот Вирџил Аблох се простија и пејачот Фарел Вилијамс и дизајнерот Марк Џејкобс. Тој беше креативен директор на брендот за улична мода Off-White, кој со задоволство го носеа Џастин Бибер, Тревис Скот и Кајли Џенер.
– Работеше неуморно додека поминуваше низ бројни исцрпувачки терапии. Со сето тоа, неговата работна етика, бескрајната љубопитност и оптимизам никогаш не го напуштија. Неговата мисија беше да ги отвори вратите за другите и да создаде пат за поголема еднаквост во уметноста и дизајнот. Веруваме дека тоа ќе ги инспирира идните генерации, се вели во соопштението на неговото семејство.
Фото: Принтскрин/Instagram
