„An Irish Goodbye” ја освои наградата Оскар за најдобар краток игран филм, а ѕвездата на филмот, Џејмс Мартин, останал невообичаено скромен и приземјен без оглед на освојувањето на златната статуетка.
View this post on Instagram
Иако филмот доживеа огромен успех, Мартин по снимањето се вратил на својата работа во кафулето. Тој веќе некое време работи во Старбакс во Белфаст и покрај тоа што доживеа успех како актер, не ја сменил работата. Освен во Старбакс, Мартин работи и како готвач во италијански ресторан. Тој објаснил дека одлучил да остане на својата стара работа затоа што „убаво е да се остане приземјен и да им служиш на клиентите“ и затоа што таа работа ја работи долго време.
The entire room just sang happy birthday to James Martin #AnIrishGoodbye #Oscars pic.twitter.com/GIm63qavXb
— Matt Neglia (@NextBestPicture) March 13, 2023
Мартин беше дел од еден од најтрогателните моменти на овогодинешното доделување на Оскарите. Имено, кога екипата на филмот „An Irish Goodbye“ излегла на сцената да ја прими наградата, продуцентот на филмот Том Беркли спомнал дека актерот слави роденден, а Џејмс потоа добил роденденска прослава за паметење. Сите луѓе во просторијата му пееле роденденска песна.
the guys who made An Irish Goodbye used their Oscar acceptance speech to have every A-lister in Hollywood sing Happy Birthday to their star, James Martin. iconic! pic.twitter.com/J4LLHwMla3
— Spencer Althouse (@SpencerAlthouse) March 13, 2023
Инаку, Џејмс е роден со Даунов синдром, а неговиот татко Ајван Мартин по освојувањето на наградата открил дека лекарите му рекле дека можеби никогаш нема да проговори.
„Но, тука сме. Џејмс не само што зборува, туку и откако почна, не замолчи”, рекол неговиот татко за Би-Би-Си.
Фото: Принтскрин/Instagram