ekran платформа за слободоумни
Кученцето Чои Чоу Чоудер на Инстаграм има скоро половна милион следбеници. Поради својот пресладок изглед кој потсетува на плишано мече ги заробил срцата на корисниците на интернет и станал вирален хит.
Чоудер има шест години и доаѓа од Филипините. Сопственичката Бернис Лозано вели дека е многу мрзелив, но дека му простува бидејќи е сладок. Поради неговата голема муцка и округлото дебелко лице многумина го споредуваат со плишано мече.
„Навистина има карактеристики на мече. Со еден дел е така затоа што е така одгледуван, а од друга страна и поради бојата на влакното и обликот на муцката“, рекла сопственичката.
Признава дека луѓето често ја запираат кога ќе ја видат со Чоудер и дека сите имаат иста реакција.
„Сите повторуваат дека изгледа како плишано мече. Често сакаат да го фотографираат и да снимат видео“, открила Бернис и додала дека Чоудер не е многу активно куче и дека најмногу сака да јаде и да се одмора.
