Кога на Гугл ќе напишете „најсреќен човек на светот“, ќе се појави името на Фране Селак, човек од Хрватска со неверојатна животна приказна.
Франо е роден во 1929 година, во Дубровник, а се прославил по тоа што неколку пати ја избегнувал смртта.
Како наставник по музичка култура често ги менувал градовите каде што работел, па така работел и во Модрича во Босна и Херцеговина. На патување во Оџак во 1957. година се случила несреќа: само тој и возачот останале во автобусот и испиле малку ракија. На една кривина автобусот продолжи право иако возачот го вртел воланот надесно. Ја пробиле оградата и паднале во реката Босна, која таму била плитка, па не се удавиле. Тој немал поголеми повреди.
Следната година со воз отпатува од Сараево до Дубровник. Голема карпа паднала на шините поради невремето и возот излетал и паднал во студената река Неретва. Тој успеал да се извлече себеси и жената со која патувал од вагонот, а од водата ги извлекле мештаните од селото Грабовица каде се случила несреќата. Загинале 17 патници.
Сепак, тука не е крајот на несреќите што ги доживеал и преживеал.
Кога неговата мајка тешко се разболела во Риека во 1962 година, тој работел во Дарувар и решил да лета од Загреб да ја посети мајка си. Тој седел до вратата за итен излез во опашката на авионот.
Таму ја сретнал стјуардесата Розика, со која станал и разговарал. Авионот ненадејно се забил во карпа.
„Одеднаш се разбудив во болницата во шок-собата. Во весникот прочитав дека авионот удрил во карпа, а само јас и Розика го преживеавме падот од 800 метри висина, додека 20 патници и членови на екипажот беа мртви. Јас имено паднав во стог сено“, ја раскажал својата неверојатна приказна.
После тоа имал уште три сообраќајни незгоди. Тој прво за малку ќе изгорел со својот камион, потоа автомобилот експлодирал, а кога се движел по серпентините кон Карлобаг, на патот му се испречила камионска приколка на УНПРОФОР. Автомобилот излетал во провалија, а Фране завршил на дрво, за кое се фатил додека паѓал.
Имал среќа и на лотарија. Во 2002. година седел пред телевизорот и го чекал извлекувањето. Кога водителката го прочитала последниот број, Фране почнал да слави. Ја погодил седмицата и освоил речиси 7 милиони куни (околу еден милион долари). Купил куќа во Петриња, ја уредил, а до неа изградил капела. А потоа сиромашните почнале да му ѕвонат на вратата. Така тој купил вкупно 25. автомобили за пријатели и роднини.
„Мислам дека беше многу посреќен додека не ги доби тие пари“, вели новинарот Сенад Пашиќ, кој го направи последното интервју со Фран.
Селак починал на 87. години, а многумина веруваат дека треба да се сними филм за овој најсреќен или најнесреќен човек на светот.
Фото: Принтскрин/Facebook