ekran платформа за слободоумни
Благодарение на социјалните мрежи спасен е животот на 98-годишна баба од Кентаки чиј дом бил целосно уништен во поплава со епски размери.
Г-ѓа Амбурги се обидела да повика помош, но никој не одговорил, изјавила нејзината внука Миси Кровети.
Како што се гледа на сликата, бабата седела во спалната соба која речиси целосно била покриена со вода, додека работите пливале околу неа.
Од очај, Миси се обратила на Фејсбук и објавила застрашувачка слика со надеж дека некој со брод ќе им помогне на Ме и нејзиниот син Лери.
Набрзо се појавила екипа, а и тогаш водата на сите им била до врат. Ме и Лери морале да искршат еден прозорец и да испливаат од куќата, по што ги пречекале во чамци.
Баба Ме е пренесена во болница, а соопштено е дека се чувствува добро и дека е „решена да си оди дома“. Лери голтнал вода и бил на вентилатор 15. часа, но неговата состојба се подобрува.
Како што навела Миси, двајцата не се евакуирале порано бидејќи нивната куќа никогаш порано не била поплавена повеќе од подрумот, поради што верувале дека тоа не може да им се случи.
Меѓутоа, водата дошла толку брзо што едвај излегле живи.
Куќата е во целосен хаос, а како и многу други во околината, бабата не била осигурана од поплави. Секоја помош ќе биде добредојдена – рекла Миси, која започнала кампања на платформата „GoFundMe“.
Бројот на загинати од поплавите предизвикани од врнежите од „епски размери“ во источниот дел на Кентаки се искачи на најмалку 25., а бројни домови и патишта се под вода, соопштиле локалните власти и предупредиле дека бројот на жртвите, според сите извештаи, не е конечен.
Фото: Принтскрин/Facebook
