ekran платформа за слободоумни
Полицијата во Лос Анџелес уапси холивудски продуцент за сексуален напад на неколку девојки во периодот од 2012. до 2019. година.
Ерик Вајнберг, кој беше еден од продуцентите на хит серијата „Scrubs“, бил уапсен во четвртокот во неговиот дом во Лос Фелиз. Полицискиот оддел соопштил дека Вајнберг таргетирал жени на возраст меѓу 20. и 30. години на јавни места како што се трговски центри и кафулиња, преправајќи се дека е фотограф, а потоа ги поканил да се фотографираат во неговиот дом, во кој наводно се наоѓало неговото студио.
Кога доаѓале да се фотографираат, Вајнберг сексуално ги злоупотребувал и силувал некои од нив. Американските медиуми ја пренесуваат изјавата на сосед кој открил дека „била предупредена штом се доселила во соседството“.
– Мојата пријателка ми ја покажа неговата куќа и рече дека знае за еден куп девојки кои биле намамени таму, а потоа нападнати.
Иако тој е обвинет за наводни сексуални напади од 2012. до 2019. година, детективите веруваат дека злосторствата на Вајнберг датираат од раните 1990-ти, но допрва треба да разговараат со потенцијалните жртви.
Вајнберг е притворен со кауција од 3.225.000 долари.
Покрај сериите „Стажанти“ работеше и на сериите „Californication“ и „Anger Management“.
Фото: Архива
