ekran платформа за слободоумни
Девојчето Фиа неодамна се појавила на популарното натпреварување „The Voice Kids“ во Германија, каде покрај пеењето решила да користи знаковен јазик за да, нејзината сестра која е глувонема, ја разбере.
Единаесетгодишната натпреварувачка ги расплакала членовите на жирито „The Voice Kids“ со своето појавување на таканаречените слепи аудиции, додека песната „Flashlight“ оригинално изведена од пејачката Џеси Џеј ја превела на англиски знаковен јазик.
„Ова го правам за мојата помлада сестра Емилија, која не може да зборува. Поради неа почнав да учам знаковен јазик. Оттогаш пеам на два јазика, така да се каже“, објаснило девојчето пред жирито.
Таа со својот настап особено ја изненадила членката на жирито, пејачката Лена Мајер-Ландрут, која на публиката ширум Европа и е позната како победничка на Евровизија во 2010 година.
„Не знам ни зошто не можам да престанам да плачам, но тоа навистина ме трогна. Фиа има навистина одлична личност“, изјавила Лена.
Наведено е дека ова е исклучително тежок настап, бидејќи девојчето морало два пати да го запамети текстот. Додале и дека и покрај тоа што песната е напорна, девојчето успеала да ја изведе со неверојатно чувство и дека, до сега, немале можност да видат такво нешто на натпреварот.
Фото: Принтскрин/YouTube
