(ВИДЕО) Со желби за подобро утре, за нов почеток… Пејачката Симона со музичка порака за Нова година!

Симона Поповска е повторно актуелна со нови синглови.

После песната на англиски јазик “Feel so good”, Симона ни спреми уште едно музичко изненадување по повод Нова Година и претстојните новогодишни празници. Се работи за специјална новогодишна песна насловена – “За Нова Година”.

Песната е на продуцентот и Дј Ерик Фокс, додека текстот го напиша Рената Кралевска. Пратечките вокали ги отпеа Рената Кралевска, а гостин на саксофон е Љупчо Џедомирски.

„Драги мои од срце ви го подаруваме ова парче, сите заедно да ги сплотиме нашите желби, за подобро утре, година без пандемија, нека ‘ЗА НОВА ГОДИНА’ биде нов почеток”, порачува Симона..

Со песната „За Нова година“ уживајте во овој празничен дух и расположение во најубавиот дел од годината…