(ВИДЕО) Се појавиле досега невидени снимки на Витни Хјустон

Документарниот филм на со Оскар наградениот режисер Кевин Мекдоналд повторно ќе го актуелизира животот и успехот на славната пејачка Витни Хјустон, која почина на 11. февруари 2012. година.
Мекдоналд одлучил преку филмот, на нов начин, да ја раскаже приказната за животот и кариерата на славната пејачка, а по прв пат ќе бидат прикажани некои сеуште невидени снимки на оваа дива, како и акапела изведби на некои од нејзините најголеми хитови.
Благодарение на Фондацијата „Хјустон“, документарецот ќе прикаже и приватни снимки, кој ќе фрлат сосема ново светло на нејзиниот приватен живот.

Како се’ отприлика ќе изгледа може да се види и во трејлерот. Филмот со кус наслов „Витни“ претствува контраст помеѓу вистинската поп дива – каква што била на сцената и вон неа, и ранливата жена во приватниот живот која се бори самата со себе.
„Луѓето мислат дека се’ било лесно, но не беше“ е една од нејзините изјави во документарниот филм кој премиерно ќе биде прикажан на 6. мај 2018. година.