ekran платформа за слободоумни
Спотот за песната „Together” на Рајан О’Шонеси, претставникот на Ирска на годинешната „Песна на Евровизија’ прикажува две момчиња кои се држат за раце, шетаат по градот и танцуваат, што се спротивствува со руската забрана за геј пропаганда.
Русија најавила дека на телевизија нема да го емитува промотивниот спот на ирскиот натпреварувач, што, според правилата на организаторите, би можело да и донесе дисквалификација и забрана на учество од три години. Нема правило на ниво на натпреварот кое би и дозволило на Русија да не емитува само една од сите песни.
О’Шонеси на Твитер руската закана ја нарекол „блеф“ и „урнебесно смешна“. Подоцна твитувал фотомонтажа на која се ракува со шефот на Руската федерација, Владимир Путин, и напишал „Од Русија со љубов“.
From Russia with Love pic.twitter.com/MAdN5qmkBe
— Ryan O'Shaughnessy (@Ryan_Acoustic) March 14, 2018
Ова не е првпат Русите да направат драма на Евросонг. Кога Австрија во 2014. година ја најавила Кончита Бурст, Русите го разгледувале бојкотирањето на натпреварувањето. А, кога Кончита победила, тогашниот министер за култура тоа го искористил да ја повика на запирање на евроинтеграцијата.
