ekran платформа за слободоумни
Филмскиот фестивал во Кан започна синоќа, а по тој повод Златната палма му беше врачена на Роберт де Ниро.
При примањето на наградата, Де Ниро во својот говор отворено го критикувал американскиот претседател Доналд Трамп, нарекувајќи го „американскиот лицемерен претседател“.
Имено, Де Ниро предизвикал силни и позитивни реакции од публиката со својот говор, а прифаќајќи ја наградата за животно дело, ја искористил можноста да испрати политичка порака.
Robert De Niro calls out Donald Trump while accepting his honorary Palme d'Or at #Cannes2025 pic.twitter.com/qwze5ZnQg5
— The Hollywood Reporter (@THR) May 13, 2025
„Мора да дејствуваме сега. Без насилство, но со голема страст и решителност. Време е секој што се грижи за слободата да се организира, да протестира и кога ќе дојдат изборите – да гласа“.
Тој ги поканил присутните да испратат силна порака за отпорот, солидарноста и културната важност на слободното изразување преку прославата на уметноста во текот на следните 11 дена.
View this post on Instagram
Поранешните добитници на Златна палма, Квентин Тарантино и Шон Бејкер, прошетале по црвениот тепих, заедно со познати лица како Ева Лонгорија, Џулија Гарнер, Хајди Клум и Алесандра Амброзио. Сепак, големото отсуство на вечерта бил Том Круз, чија премиера на филмот „Невозможна мисија — Конечно пресметка“ исто така се очекувала со голем интерес.
View this post on Instagram
Жулиет Бинош, претседателка на овогодинешното жири, пристигна држејќи се за раце со членовите на жирито: Џереми Стронг, Хали Бери и режисерката Пајал Кападија. Де Ниро бил пречекан со овации на црвениот тепих. Пред фестивалската палата, протести одржале работниците ангажирани на фестивалот, незадоволни од условите за работа и недостатокот на бенефиции.
View this post on Instagram
Канскиот филмски фестивал ќе трае до 24 мај. Во натпреварувачкиот дел од програмата има 19 филмови. Уметничкиот директор на Канскиот филмски фестивал, Тиери Фремо, претходно изјави дека фестивалот годинава примил рекордни 2.909 пријави.
Исто така, во пресрет на официјалното отворање на Канскиот филмски фестивал, организаторите одлучиле да воведат ново правило кое вклучува посебни одредби за облеката.
View this post on Instagram
Имено, според нивната одлука, забрането е носење „голи, волуменозни фустани или фустани со набори“. Покрај тоа, овој Филмски фестивал воведува кодекс на облекување на пристојност и учтивост, забранувајќи фустани што го попречуваат правилниот проток на гости и го комплицираат седењето во киното.
Фото: Принтскрин/X
