Рита Ора ја отворила вратата од својот дом и дозволила да ѕирнете во вилата од 1877. година што ја поседува.
Таа ги отворила вратите од својата луксузна вила за списанието Architectural Digest и го покажала луксузот што го живее во Лондон.
Пејачката минатата година ја купила викторијанската палата со шест спални.
„Изградена е во 1800-тите, првично беше во сопственост на илустратор по име Артур Ракам, еден од моите омилени уметници. Тој ги направи сите илустрации за ‘Алиса во земјата на чудата’, ‘Црвенкапа’… Куќата има многу добра и креативна енергија што ми треба и ја почувствував веднаш штом влегов“, рекла таа.
Покрај луксузниот и историски ентериер, вилата има и мирна градина. Украсената дрвена преграда ја одвојува трпезаријата од дневната соба, а оваа преграда е во куќата откако е изградена.
Рита истакнала дека главната причина за купувањето на оваа куќа е нејзината историска важност, додавајќи дека секогаш ја привлекувале домови со „стар дух“.
Фото: Принтскрин/YouTube