По разорниот земјотрес што во понеделникот рано наутро ги погоди југот на Турција и Сирија, веќе трет ден има видеа од спасувањето на многу луѓе од урнатините, меѓу кои и деца, додека очите на целиот свет се насочени кон спасувачите кои прават се за да спасат што е можно повеќе заробени луѓе.
На официјалниот профил на спасувачката екипа на невладината организација „Бели шлемови“ е објавено видео на кое се гледа како спасувачите го извлекуваат девојчето од урнатините на куќата откако таа поминала 40 часа во нив.
Once again, another miracle….. a child rescued after more than 40 hours of being trapped under the rubble of her house in the city of #Salqin in the countryside of #Idlib, #Syria yesterday, February 7.#SyriaEarthquake #earthquake pic.twitter.com/R7kRsNZFEG
— The White Helmets (@SyriaCivilDef) February 8, 2023
Иако детето поминало речиси два дена заробено во ѕидовите на урнатата куќа, за чудо девојчето не било тешко повредено.
Сцената на спасувањето на девојчето е снимена во градот Салкин, во провинцијата Идлиб.
Турската агенција за катастрофи објави нови бројки за загинатите во земјотресот. Во Турција загинаа 6.834 лица. Бројот на повредени се искачи на 37.011, соопшти агенцијата, додавајќи дека повеќе од 79.000 луѓе се ангажирани во операциите за пребарување и спасување на турската страна од границата.
Во Сирија загинаа 2.870 лица, со што вкупниот број на загинати се искачи над 9.000, а се очекува тој да продолжи да расте во текот на денот.
Фото: Принтскрин/Twitter