За време на 24-часовното бдеење, кралски гардист паднал пред ковчегот на британската кралица Елизабета Втора додека членовите на јавноста оддавале почит.
Додека стоел на само неколку метри од ковчегот на кралицата во Вестминстерската сала, чуварот најпрво се тетерави, но брзо се фати да не падне и се вратил на своето место.
Дваесетина секунди подоцна целосно ја изгубил свеста и паднал на земја. Неколку други гардисти притрчале на помош пред шокираните граѓани кои се собрале да и оддадат почит на починатата кралица.
Емитувањето на бдеењето во Вестминстерската сала набрзо било прекинато и продолжило само еден час подоцна, пишува „Индипендент“.
Надлежните се уште не откриваат детали за причината за губењето на свеста или за здравствената состојба на гардистот, а медиумите јавуваат дека брза помош морала да го пренесе во болница на лекување.
Фото: Принтскрин/Telegram