ekran платформа за слободоумни
Комитетот за мир, кој е специјално избран од норвешкиот парламент, денеска во Осло ги објави имињата на добитниците на Нобеловата награда за мир.
Победници за 2021 година се Марија Реша и Димитриј Муратов за слобода на говорот на Филипините и Русија.
BREAKING NEWS:
The Norwegian Nobel Committee has decided to award the 2021 Nobel Peace Prize to Maria Ressa and Dmitry Muratov for their efforts to safeguard freedom of expression, which is a precondition for democracy and lasting peace.#NobelPrize #NobelPeacePrize pic.twitter.com/KHeGG9YOTT
— The Nobel Prize (@NobelPrize) October 8, 2021
WATCH LIVE: Join us for the 2021 Nobel Peace Prize announcement.
Hear the breaking news first – see the live coverage from 11:00 CEST.
Where are you watching from? #NobelPrize https://t.co/uUWS5CDJOu
— The Nobel Prize (@NobelPrize) October 8, 2021
На 1. март, Нобеловата фондација објави дека вкупно 329 кандидати биле номинирани за годинашната Нобелова награда за мир. Имињата на некои луѓе кои би можеле да бидат кандидати беа споменати во јавноста порано, а тоа се активистката за животна средина Грета Турнберг и противникот на Кремлин, Алексеј Навални.
Се споменуваат и Светската здравствена организација (СЗО), Алијансата за вакцини (ГАВИ), Високиот комесаријат на ОН за бегалци (УНХЦР) и Репортери без граници (РСФ).
Норвешкиот комитет за мир нема навика да ги објавува имињата на кандидатите во медиумите или на самите кандидати.
Наградата за мир се доделува во Осло, за разлика од другите Нобелови награди кои се доделени во Стокхолм, и традиционално се доделува на 10. декември, денот на смртта на основачот на наградата, шведскиот научник и индустријалец Алфред Нобел (1833-1896), пронаоѓачот на динамит.
Нобеловата сезона започна во понеделникот со објавувањето на добитникот на Нобеловата награда за медицина. Овогодинешните победници се американските научници Дејвид Џулиус и Ардем Патапутијан за откривање на рецептори за температура и допир.
Во вторникот беа објавени добитниците на Нобеловата награда за физика, Сукуро Манабе, Клаус Хаселман и Џорџо Париси. Тие беа наградени „за револуционерен придонес во разбирањето на сложените физички системи“.
Во средата, Нобеловата награда за хемија им беше доделена на германскиот научник Бенјамин Лист и британскиот научник Дејвид Мекмилан „за развој на асиметрична органокатализа“.
Во четвртокот, Нобеловата награда за литература беше доделена на Абдулразак Гурна, кој беше награден за „емпатично и бескомпромисно претставување на последиците од колонијализмот и судбината на бегалците заробени меѓу културите и континентите“, се вели во одлуката.
Нобеловата сезона ќе заврши во понеделник со објавување на добитниците на наградата за економија.
Нобеловата награда се состои од златен медал, диплома и чек за девет милиони круни (околу еден милион евра), а паричниот износ на наградата е поделен ако има повеќе лауреати во една дисциплина.
Фото: Принтскрин/Twitter
