Откако во октомври минатата година ненамерно ја уби директорката на фотографија, Халина Хачинс, на сетот на филмот „Рѓа“, актерот Алек Болдвин се врати на работа.
Актерот во видео објавата на Инстаграм ги известил своите следбеници дека се вратил на работата, и дека и покрај тешкотиите, првиот ден од снимањето завршил успешно.
– Првиот ден е секогаш тежок. Не работам многу како порано. Одам на работа и заборавам што треба да правам. Сега ми е чудно кога се вратив на работа. Не сум работел од 21. октомври минатата година, кога ми се случи таа ужасна работа на снимањето. Почина Халина Хачинс – изјавил актерот, кој моментално го снима филмот „97 минути“, во видеото.
Во своето обраќање Болдвин додал дека сепак му било многу тешко да се врати на работа.
– Сè уште ми е тешко да го кажам тоа. Но, се вратив на работа, беше интересно. Тимот е многу вреден, цел ден се на нозе – изјавил Болдвин и додал дека за него е многу поинаку да работи со помлад тим и ограничен буџет.
View this post on Instagram
Да потсетиме, Алек Болдвин во интервју на почетокот на декември минатата година изјави дека никогаш повеќе нема да може да снима улоги со оружје и дека воопшто не му е грижа дали повторно нема да глуми по кобниот настан.
View this post on Instagram
Фото: Принтскрин/Instagram