ИЗРАЕЛ на своите вакцинирани граѓани им дозволил да се вратат во спортските сали, ресторани и на концерти.
Животот полека се враќа во нормала, а сцените на млади луѓе кои танцуваат во кафулињата повторно го докажуваат тоа.
Олеснувањето на мерките во Израел следеше кога се намали бројот на нови случаи на ковид 19, а повеќе од четири милиони луѓе ги примија и двете вакцини Фајзер.
Израелското Министерство за здравство размислува да ги укине правилата за носење маски на отворено.
Израелските власти имаат за цел да ги имунизираат сите возрасни, па дури и да нудат бесплатни пијалоци и оброци на своите граѓани кои сè уште се двоумат и не биле вакцинирани.
На Твитер се појави видео од кафуле во Тел Авив каде седат вакцинирани млади Израелци, пијат, разговараат и се забавуваат. Судејќи според коментарите, ова видео ги охрабри луѓето од различни делови на светот и им покажа дека за некое време сè ќе се врати во нормала.
Tel Aviv, ça chante, ça danse!🎶💃 🎶💃 pic.twitter.com/NVKOmzjMzo
— Framboise (@3Myriam1) March 15, 2021
Фото: Принтскрин/Instagram