ekran платформа за слободоумни
Лимената птица тешка 70 тони, Сали под совршен агол и со неверојатна прецизност ја спуштил во реката среде еден од најгусто населените градови во светот, поради што приказната е позната како „Чудото на реката Хадсон“.
Во јануари 2009 година, летот 1549 на Ербас А320 полетал од аеродромот ЛаГвардија во Њујорк до аеродромот Шарлот Даглас во Шарлот, Северна Каролина.
На 15 јануари, две минути по полетувањето (во 15:27 часот по локално време) североисточно од мостот Џорџ Вашингтон во Големото јаболко на надморска височина од 859 метри, авион на US Airways се судрил со јато канадски гуски. Двата мотори откажале, а тој бил приморан принудно да слета .
Капетанот Чесли „Сали“ Саленбергер и копилотот Џефри Скилс биле известени дека не можат да се вратат на аеродромот од кој полетале и дека сите други аеродроми во областа се недостапни. Наместо тоа, тие го „лизнале“ авионот во реката Хадсон во средината на бетонската џунгла на Менхетен.
Тоа го направиле толку маестрално што немаше ниту една жртва. Сите 150 патници и тројца членови на екипажот ја преживеале авионската несреќа, иако имало неколку сериозни повреди. За среќа, авионот бил управуван од поранешен воен пилот на борбен авион и врвен експерт за воздухопловна безбедност, кој до тогаш поминал 19.663 часа во воздух, од кои нешто повеќе од 4.700 часа биле во Ербас А320.
Лимената птица тешка 70 тони, Сали под совршен агол и со неверојатна прецизност ја спуштил во реката среде еден од најгусто населените градови во светот, поради што приказната е позната како Чудото на реката Хадсон. Националниот одбор за безбедност на транспортот на САД го прогласил за најдобро принудно слетување во историјата на авијацијата.
Затоа, не е изненадувачки што холивудскиот филм во режија на Клинт Иствуд и со Том Хенкс во главната улога е снимен во 2016 година врз основа на автобиографската книга „Највисока должност: Мојата потрага по она што навистина е важно“.
Гледајте симулација на полетување и слетување на летот 1549 на Ербас А320 во видеото на Смитсонијан канал на YouTube.
Фото: Архива
