ekran платформа за слободоумни
Филмот „Knives Out“ неочекувано стана голем филмски хит во 2019 година, а беше инспириран од работата на Агата Кристи. Затоа, не е чудно што веста за продолжението предизвика големо воодушевување кај гледачите. За оние кои сè уште не го гледале продолжението, „Glass Onion: A Knives Out Mystery“ е достапна на Нетфликс од денес.
За што се работи во продолжението?
Детективот Беноа Блан, кој го игра Даниел Крег, оди во Грција. Таму запознава нови, интересни ликови и нова мистерија која треба да ја реши. Заедно со Крег, остатокот од актерската екипа го сочинуваат познати актерски имиња, меѓу кои се Едвард Нортон, Џенел Моне, Кејт Хадсон и Дејв Баутиста. Режијата, продукцијата и сценариото повторно ги потпишува Рајан Џонсон.
Во продолжението има голема промена. Насловот на филмот е сменет во „Glass Onion: A Knives Out Mystery“, а креаторите сакале да го одвојат од впечатокот дека е само продолжение. Сакаа да нагласат дека се работи за нова приказна од потенцијална франшиза.
Фото: Принтскрин/YouTube
