ekran платформа за слободоумни
Денес во Франција ќе стапат на сила мерките за спречување на ширење на коронавирус, вклучително заклучување, задолжителна работа од дома и напуштање на куќата само во итни случаи.
Поради повторното заклучување на земјата, дуќаните во четвртокот беа преполни, а меѓу најбараните производи беа тестенини и тоалетна хартија, но и тонери за печатачи и електронски делови за работа од дома, пренесува порталот Франс Инфо.
Мерките ги објави премиерот Жан Кастекс, кој во четвртокот во парламентот рече дека се знае дека доаѓа вториот бран на вирусот корона.
Тој исто така рече дека училиштата ќе бидат отворени, но учениците од шест години и повеќе ќе мора да носат маски.
🔴El tráfico en París, Francia 🇨🇵 se acumuló 700 km ! Inicia el 2ndo confinamiento en todo el país tras el aumento de casos de #COVID_19.📌
— Melanie Müllers (@melanie_mullers) October 30, 2020
Граѓаните ќе можат да ги напуштат своите домови само за да купуваат намирници, да ги носат своите деца на училиште и работа што не може да се заврши од дома, како и да одат во болница или аптека.
Тие исто така ќе можат да излезат на прошетка со куче, но тоа е ограничено на еден час и оддалеченост од еден километар од куќата.
На погреби е дозволено е присуство до 30. лица, а на свадби до шест лица.
Во пресрет на целосното затворање на земјата, кое стапува на сила во 23 часот, имало голема гужва околу Париз, а колона возила на луѓе кои излегуваа надвор од градот, се рашириле на дури 700 километри во регионот на градот, пренесува Би-Би-Си.
Како што се наведува, многу граѓани на Париз одлучиле периодот на карантин, кој ќе трае до 1. декември, да го поминат надвор од градот и се додава дека слична ситуација се случила и во март, за време на првиот бран.
Во Франција вчера беа потврдени нови 47.637 случаи на коронавирус, како и 250 смртни случаи.
