Калиопи Букле и Жељко Самарџиќ четири децениското пријателство го крунисаа со дует наречен „Знам“, а денеска во Белград се одржа промоцијата на истиот.
Текстот за песната го напиша нејзиниот поранешен сопруг Ромео Грил кој е воедно и композитор на музиката и аранжер, а додека зборувала за создавањето на песната, Калиопи дури и се расплакала, бидејќи како што вели оваа песна буди посебни емоции.
Во интервју за насобраните медиумски екипи, пејачката открила дека оваа песна е посебна:
– Штом ја слушнав песната за прв пат, сфатив дека тоа е повеќе од песна. Такво чувство ми се случи кога првпат ги слушнав „Бато“ и „Црно и бело“, сега ми се случува кога ја слушнав „Знам“, почнала Калиопи со солзи во очите и додала:
„Солза ти дојде од страна, кога имаш солза не плачеш, туку емоциите ти излегуваат од една солза. Тоа е исконско чувство, нема врска со нешто од секојдневието, животот нè втемели во машина. Оваа песна ме успори малку и тоа навистина ми требаше. И јас во последните неколку години, како и сите ние, доживеав работи кои не натераа да размислуваме за себе и за другите. Да споделиш песна со некого е да споделиш душа“.
На прашањето на медиумите што отсекогаш знаела во текот на животот, таа рекла:
„Знаев и знам дека вистината е секогаш нешто што мора да оди пред мене, дека уметноста е таа што мора да оди пред мене, да бидам добар човек, да не повредам никого. Да се види само најдоброто кај луѓето понекогаш е грешка, но ми беше многу корисно да преживеам на овој свет. И знам дека сите вие сте многу важни за мене и тоа го научив, сè почнува од вас“.
Фото: Принтскрин/cdm.me