Преслушајте ги селектираните топ 6. песни и изведувачи и гласајте за оној кој најмногу ви се допаѓа и сметате дека најдобро ќе не претстави на евровизиската сцена во Торино годинава.
Можете да гласаое само еднаш за една композиција. Платформата за гласање ќе биде отворена седум дена од промоција на песните, односно од 28.01.2022 во 22:00 до 04.02.2022.
Вашите гласови се половина од финалниот резултат, а другата половина ќе се добие од гласови на меѓународно стручно жири. Гласовите од онлајн гласањето и гласовите на меѓународното стручно жири ќе бидат претворени во поени, според евровизискиот принцип на гласање (50:50).
Победник ќе биде изведувачот кој ќе освои најмногу поени и тој ќе ја претставува земјата на Изборот за песна на Евровизија 2022 во Торино. Доколку дојде до изедначен број на поени, тогаш предност ќе има мислењето на меѓународното стручно жири.
Ris Flower
Ris Flower е единствениот артист од Македонија кој е застапен на Vevo платформата. Дебитираше со “Translucent” во 2020та, летото во 2021ва беше актуелен со проектот Live Power Sessions, a кон крајот на истата година го објави и видеото за Hearts so cold. Ris Flower е комплетен автор на својата музика, а за нејзино усовршување работи во најреномираното студио „Ари“ во Истанбул, Турција и тоа со музичари кои работат со светски познати имиња како Таркан, Сертeб Еренер, Мустафа Сандал и многу други. Ris Flower на издавање на својата музика работи со професионални издавачки куќи од Турција и Британија, задолжени за дигитална дистрибуција на преку 160 музички платформи.
Ris Flower – “Flying to Berlin”
Музика и текст: Ris Flower
Аранжман: Mustafa Canbazlar